Opplæringskontoret for Indre Hordaland

Røyrleggjar - mitt fag

Frode Hjortland er lærling i røyrleggjarfaget. Han byrja læretida si i 2013 hjå Kolskår & Utne As i Granvin. Sjølv bur han i Ulvik, men har både Granvin, Ulvik, Eidfjord, Voss, Ullensvang og Hardangervidda som arbeidsområder. «I eit lite firma kjem du bort i alt mogeleg av arbeidsoppgåver. Eg trivast godt, og har ein svært variert jobb», seier han.

Frode har bilfag frå vidaregåande skule. Det er eit anna programområde enn røyrleggjarfaget krev, og difor fekk han forholdsvis lang læretid; 3,5 år. Fagprøven skal han avleggje våren 2017.

Rolf Utne og Frode nyttar maskin for bøying av røyr til mapress - til bruk i varmeanlegg og drikkevatn

Røyrleggjarfaget omfattar installasjon, modernisering, montering, service og reparasjon av sanitæranlegg og andre anlegg. Vassborne anlegg, energigassanlegg og sprinkelanlegg er også arbeidsfelt som ligg under dette faget. Røyrleggjarar utfører arbeid i privatbustader, hytter, institusjons- og forretningsbygg, på byggje- og anleggsplassar og på skips-, industri- og offshoreanlegg.

Kvifor valde du denne utdanninga?

«Eg har fagbrev i bilskadefaget frå før, men der er det ikkje so mange jobbar å velge i. Etter militærtenesta byrja eg difor som hjelpearbeidar i målarfaget. Noko seinare fekk eg via kontaktar prøve meg i røyrleggjarfaget hjå Kolskår & Utne. Her trivdest eg svært godt. Heldigvis ville dei satse på meg som lærling - so etter eit halvt års tid, fekk eg lærekontrakt her», fortel Frode.

Kva er positivt og kva er utfordrande i denne jobben?

«Vi er berre tre tilsette, og då må alle kunne litt om alt - det er lærerikt. Det kjekkaste er å jobbe med montering. Då er ein komne so langt at ein ser i enden på jobben, og det fine sluttresultatet av det ein har halde på med. Staking er naturleg nok det eg likar minst å halde på med, men ein venner seg til alt», fortel Frode. «Generelt likar eg dette yrket svært godt. Det er stor variasjon i arbeidsoppgåvene, vi er på heilt ulike arbeidsplassar og ein vert kjend med mange - enten det er samarbeidspartar eller kundar.

Det hender til og med at vi blir inviterte på kaffi og kaker av kunden, og det er sjølvsagt kjekt - då betyr det at dei er nøgde med jobben vi utfører. Vi jobbar både inne og ute, på nybygg/i hytter og med rehabilitering og ombyggingsprosjekt».

Viktige personlege eigenskapar?

«Det viktigaste av alt er å vere nøyaktig. Ein må vere sikker på at alt er tett og gjort utførleg, slik at ein unngår lekkasjar. Heldigvis har alt gått fint til no», seier Frode blidt. «Elles må du kunne kunne arbeide sjølvstendig, og ha ein god dialog med kunden». Vidare fortel han at det er viktig å ha teknisk innsikt og kunne sjå føre seg korleis heile jobben kan leggjast opp best mogeleg, - spesielt med tanke på samarbeid med andre fagarbeidarar, som til dømes elektrikarar. "Sidan vi ofte er fleire typar fagfolk på ein byggjeplass, er det viktig å ta hensyn til kvarandre, slik at alle får gjort det dei skal i rett rekkefylgje".

Frode høyrer med Jon Kolskår og Rolf om dei skal ha med slukboren på jobb

Kva tenkjer du om å ha 3,5 års læretid?

«Det går heilt fint. Eg lærer mykje raskare gjennom praktisk arbeid enn gjennom teoretisk opplæring, so dette er ei god ordning for meg som ikkje er so glad i teori», fortel han. Likevel reiste han ein dag i veka frå Ulvik til Bergen for teoriundervisning i røyrleggjarfaget gjennom heile skuleåret 2014-15. Det var 2,5 time reise kvar veg, men med si positive innstilling kom han seg fint gjennom det også. I juni bestod han tverrfagleg eksamen - og er soleis ferdig med den teoretiske delen av utdanninga.

Korleis ser du føre deg yrkeslivet når du har teke fagbrev?

«Røyrleggjaryrket er eit godt val med tanke på framtidig arbeid. I distriktet her er det heller ikkje mange røyrleggjarar, so eg reknar med at det vil vere nok å gjere framover også", svarar Frode. "Eg trur eg slepp å utdanne meg fleire gonger etter dette. Og når eg i tillegg trivast so godt i jobben, ser framtida lys ut", avsluttar den 27-årige lærlingen frå Ulvik.

23.03.2020
Lærling i produksjonsteknikkfaget Hjå Felleskjøpet Agri - avdeling Vaksdal, er tre av dei tilsette lærlingar i produksjonsteknikkfaget. Dei tre er Andreas Hesjedal, Stian Olsnes og Stian Nyheim Hammer Verpelstad. Dei får opplæring i å drifte, utvikle og forbetra produksjonsprosessane i framstillinga av kjæledyrfôr og kraftfôr: Les meir..
19.02.2020

Ledige læreplassar 2020 Våre medlemsbedrifter har mange ledige læreplassar i ei rekke ulike fag. Les meir..
18.02.2020

Fleire fagfolk I januar arrangerte Opplæringskontoret for Indre Hordaland den årlege utdelinga av fagbrev. Les meir..
25.02.2019

Ledige læreplassar Våre medlemsbedrifter har våren 2019 ei rekkje ledige læreplassar. Felles søknadsfrist for alle stillingane er 31.mars. For meir informasjon om dei ulike læreplassane, Les meir..
05.03.2018

Framleis ledige læreplassar Nokre av våre medlemsbedrifter har enno ledige læreplassar våren 2018. For stillingane er det søknadsfrist snarast (pr. 11.mai) Les meir..
05.03.2018

Mange nye fagarbeidarar Det er gledeleg å registrere at fleire og fleire vel å bli fagarbeidarar. På den årlege utdelinga av fagbrev i januar, var det heile 35 nye fagarbeidarar som fekk utdelt fagbreva sine av ordføraren i Voss. 2017 vart dermed eit rekordår. Les meir..
Ledige læreplassar

Ledige læreplassar Våre medlemsbedrifter har mange ledige læreplassar i ulike fag våren 2017. For alle stillingane, er det søknadsfrist 31.mars. sjå oversikt på neste side. Les meir..
03.10.2016
Mitt yrke - idrettsanleggsfaget Enten det er snøføyk eller sol frå skyfri himmel, vil du truleg finne Ole Martin Mjånes i skianlegget i Myrkdalen. Ei mørk vinternatt køyrer han trakkemaskin. Ein varm sommardag driv han med skoging og kvisting til ny løypetrase. Kontrastane er store, og arbeidsoppgåvene varierte. «Eg kunne ikkje hatt det betre», fortel ein glad lærling. Les meir..
17.08.2016
Framleis ledige læreplassar Pr 15.september 2016 er det framleis 3 ledige læreplassar hjå våre medlemsbedrifter; 1 læreplass i barne- og ungdomsarbeidarfaget, 1 læreplass i logistikkfaget og 1 læreplass i idrettsanleggsfaget. For meir informasjon om stillingane, Les meir..
11.03.2016
Ledige læreplassar Våre medlemsbedrifter har våren 2016 ledige læreplassar i 9 ulike fag; anleggsmaskinførar, bilfaget, idrettsanleggsfaget, industrimekanikarfaget, tømrarfaget, murarfaget, betongfaget, helsearbeidarfaget og borne- og ungdomsarbeidarfaget. Felles søknadsfrist for alle stillingane er 10.april 2016. Les meir..
08.03.2016

Auka kompetanse i distriktet På den årlege festmiddagen på Park Hotel i januar 2016, fekk stolte fagarbeidarar utdelt fagbreva sine av ordførar Hans Erik Ringkjøb. Heile 33 personar tok fagbrev hjå våre medlemsbedrifter i 2015. Fagbreva fordelte seg over 9 ulike fag, og kjønnsfordelinga var 13 kvinner og 20 menn. 28 av dei var lærlingar, medan 5 tok fagbrev som praksiskandidatar. Les meir..
02.12.2015
Salsfaget - mitt lærefag På Dale Trafikksenter står kunden i fokus. Det kan lærling Simen Frotveit skrive under på. Han tykkjer det kjekkaste med salsfaget er nettopp å treffe kundane, snakke med dei og yte god service. «Det er viktig å kunne lese kunden - sjå om dei har tid til å slå av ein prat eller om dei er hastige og skal vidare. Eg prøver å sjå det an, slik at kunden opplever best mogeleg service», fortel han. Les meir..
30.10.2015

Røyrleggjarlærling Frode Hjortland er lærling i røyrleggjarfaget. Han byrja læretida si i 2013 hjå Kolskår & Utne As i Granvin. Sjølv bur han i Ulvik, men har både Granvin, Ulvik, Eidfjord, Voss, Ullensvang og Hardangervidda som arbeidsområder. «I eit lite firma kjem du bort i alt mogeleg av arbeidsoppgåver. Eg trivast godt, og har ein svært variert jobb», seier han. Les meir..
19.11.2014

Fyrste lærlingen i Hordaland Jens Martin Svennes er den aller fyrste og einaste lærlingen i byggdriftarfaget i Hordaland fylke. På landsbasis er det berre registrert 2 byggdriftarlærlingar, opplyser Fagopplæringskontoret (pr. 1.nov. 2014). Faget er nytt, og blei godkjend i august i år. Tidlegare har det ikkje vore noko formelt krav til kompetanse i faget. Ein byggdriftar har normalt ansvaret for drift og vedlikehald av bygningar og tilhøyrande uteområder. I oktober gjekk Jens Martin over frå å vere vedlikehaldsarbeidar til å bli lærling hjå Myrkdalen Hotel. «Ingen dagar er like, og det er stor variasjon i arbeidsoppgåvene og arbeidsdagen min», svarar Jens Martin på spørsmål om kva han likar best i denne jobben. Les meir..
22.10.2014
Byggdriftarfaget - nytt fagbrev Vaksenopplæringa på Voss starta i oktober opp kurs i byggdriftarfaget. 22 spente kursdeltakarar vil ein kveld i veka få undervisning i det nyleg godkjende faget. Kurset vert avslutta med skriftleg eksamen våren 2015. Deltakarane jobbar til dagleg med drift og vedlikehald av bygningar både i privat og kommunal sektor. Bestått eksamen i kombinasjon med 5 års relevant praksis/utdanning gjev deltakarane mogelegheit til å gå opp til fagprøve som praksiskandidatar. Ved bestått fagprøve, vil deltakarane vere blant dei aller fyrste i Noreg som innehar fagbrev i byggdriftarfaget. Vår medlemsbedrift Myrkdalen Hotel har tilsett den fyrste lærlingen i faget i Hordaland, og både han og hans fagansvarlege deltek på kurset. Les meir..
15.04.2014

Helsefag i Spania Våren 2014 jobba lærling i helsearbeidarfaget, Stine Bukkestein Trohjell, på Fundacion Betanien i Alicante i Spania. Dette takka vere ordninga med Leonardo da Vinci-stipend. Institusjonen har blant anna fokus på å aktivisere beburarane sine. Dette oppdagar du straks du kjem inn i vestibylen, der blikket automatisk vert dradd mot to store og fargerike oppslagstavler som informerer om alle aktivitetane dei neste 14 dagane. Les meir..
14.02.2014

Mitt yrke "Det beste med denne jobben er når brukarane viser glede og takksemd for at vi er her for dei. Det skal so lite til for å glede dei, og når eg opplever å bety noko for andre, vert eg også glad». Uttalen kjem frå Aina Kvitne, engasjert lærling i helsearbeidarfaget hjå lærebedrifta Voss kommune. Les meir..
29.01.2014

Stolte fagfolk Voss og nabokommunane har fått 30 nye fagarbeidarar. Alle har vore tilsette i medlemsbedriftene til Opplæringskontoret. Fredag 24.januar fekk dei utdelt fagbrevet sit i glas og råme av ordførar Hans-Erik Ringkjøb, på det årlege arrangementet på Park Hotell. Ordførararen meiner fagarbeidarane har mykje å seie for distriktet. Les meir..
22.02.2013

Lærlingeintervju: anleggsmaskinførarfaget - Eg kunne ikkje ha tenkt meg noko anna arbeid, uttalar ein særs nøgd lærling, Jostein Skjærven. - Kvar dag får eg gjere det eg likar best; å køyre maskin. Allereie i ung alder visste han at det var maskinførar han ville bli. Les meir..
21.02.2013

Lærlingeintervju: betongfaget Sondre Een Kvalfoss er lærling i betongfaget på andre året. Den dagen vi er på vitjing, er det minus 10 grader. - Kulden gjer meg stort sett ingenting, smiler lærlingen som saman med kollegaer har sett opp ein forskalingsmur på Voss stasjon.- Det beste med arbeidet er å få jobbe ute heile året med praktiske og varierte arbeidsoppgåver, seier han. Les meir..
30.01.2013

33 nye fagarbeidarar Det var ein gjeng både glade og stolte fagarbeidarar som 25.januar mottok fagbrevet sitt av ordførar Hans-Erik Ringkjøb, på det årlege arrangementet Opplæringskontoret har på Park Hotel Vossevangen. Totalt tok 33 personar i våre lærebedrifter fagbrev i 2012. Det er ein auke på heile 50% i forhold til 2011. - Ein styrke for regionen, seier ordføraren. Les meir..
17.12.2012
Lærlingeintervju: reiselivsfaget Arsalan Portazedi (21) er den einaste lærlingen i reiselivsfaget i Hordaland fylke, tilsett hjå vår medlemsbedrift; Destinasjon Voss As. Då han gjekk reiselivslina ved Voss vidaregåande skule i 2011, bestemte han seg for å prøve å ta fagbrev i reiselivsfaget, sjølv om det finnast svært få læreplassar i dette faget. - Det beste med denne jobben er at ein alltid opplever noko nytt og har eit variert arbeid, sier han. Les meir..
11.12.2012
Fleire fagarbeidarar i idrettsanleggsfaget Det var fem glade gutar som siste veka i oktober bestod fagprøven i idrettsanleggsfaget. Dei har gått to år i lære ved skianlegga i Myrkdalen og på Voss, etter at dei fyrst gjekk to år på idrettsanleggslina ved Voss Jordbruksskule. Idr.anlegg/anleggsgartnarline har dei også ved Hjelnes Vidaregåande i Ulvik. Gutane er no blant dei fyrste i Noreg som har dette fagbrevet - der læretida har vore i eit heisanlegg (okt. 2012). Les meir..
11.12.2012

Heldige lærlingar til Spania Opplæringskontoret for Indre Hordaland er hausten 2012 tildelt Leonardo da Vinci-stipend på til saman kr 60.000. Tilskotet gjeld for 2 lærlingar i reiselivsfaget. Dei vil få ein praksisperiode på 13 veker kvar hjå ei aktuell reiselivsbedrift i byen Murcia i Spania. Les meir..
11.12.2012

Instruktørkurs på Voss 2. og 3. oktober blei det arrangert kurs for lærling-instruktørar og fagansvarlege på Voss. I alt deltok 19 personar frå lærebedrifter på Voss og nabokommunane Modalen og Vaksdal, dei aller fleste medlemer hjå Opplæringskontoret for Indre Hordaland. Les meir..
11.12.2012

Nye fagfolk Totalt var det 22 personar tilknytta Opplæringskontoret som tok fagbrev eller kompetansebevis i 2011. Den årlege utdelinga av fagbrev fann stad på Park Hotel Vossevangen 03.februar 2012. Les meir..