Lærling i produksjonsteknikkfaget

Hjå Felleskjøpet Agri - avdeling Vaksdal, er tre av dei tilsette lærlingar i produksjonsteknikkfaget. Dei tre er Anders Hesjedal, Stian Olsnes og Stian Nyheim Hammer Verpelstad. Dei får opplæring i å drifte, utvikle og forbetra produksjonsprosessane i framstillinga av kjæledyrfôr og kraftfôr.

Kraftfôret vert distribuert i nærområdet, medan kjæledyrfôret til hund og katt, vert sendt ut til heile landet og eksportert til Sverige. Lærlingane vekslar mellom å overvake ulike prosessar frå kontrollrommet og å være ute i produksjonslokala for kontroll og sjekk av kvalitet, maskiner og utstyr. HMS er også ein viktig del av opplæringa deira.

Opplæringa skal gje lærlingane kompetanse i drift av operative arbeidsprosessar. Det vil seie utvikling av kompetanse i framstilling av produkt og styring av prosessar frå råmateriale til sluttprodukt i industrien. Fullført og bestått opplæring fører fram til fagbrev. Yrkestittel er fagoperatør i produksjonsteknikk.

Dei tre lærlingane fortel alle at dei stortrivast i jobben sin. Dei likar at jobben er variert og ansvarsfull, samstundes som den krev konsentrasjon og gode samarbeidsevner. Lærlingane nemner i tillegg det gode arbeidsmiljøet i bedrifta som ein viktig trivselsfaktor.

Som lærling i faget er det tre hovudområder dei får opplæring i: produksjon, vedlikehald og dokumentasjon/kvalitet. Det er mange ulike arbeidsoppgåver som kjem inn under dei tre hovudområda. Fyrst og fremst måtte lærlingane sette seg inn i dei to hovudprodukta Felleskjøpet produserer på Vaksdal, varesortimentet og korleis dei blir framstilt. Deretter byrja opplæringa innan dei ulike felta: råvarer, resepthandtering, tappeliner, kvalitets- og beholdningskontroll, smøring og vedlikehald av maskineri, reinhald/vedlikehald, analyse av prøver, omstilling, kjøling og tørking. Og ikkje minst; kvalitetsoppfølgjing. Ekspedisjonsrutiner som pakking, ordre-/kundehandsaming og distribusjon er også felt som inngår i opplæringa deira.

Noko som lærlingane tykkjer har vore særs interessant, er dei vekene med opplæring saman med mekanikar og elektrikar på bedrifta. Dei har vore med kvar av dei i 4 veker, og lært mykje om vedlikehald og feilsøkjing i produksjonen.

Sidan dei produserer fôr, er det særs strenge krav til hygiene i alle prosessar. Sikkerheitskontrollar både i produksjonen og av utstyr vert utført etter gjeldande normer gjevne av Mattilsynet og Arbeidstilsynet.

Når lærlingane er på opplæring i produksjonen, går dei to skift, og følgjer ein fast mentor i opplæringstida. På formiddagsskiftet deltek dei på daglege morgonmøter, eller LEAN-møter - der HMS, kvalitet og andre viktige tema vert tekne opp. På ein vanleg arbeidsdag der alt går som planlagt, er dei storparten av tida i kontrollrommet der dei via datasystema overvåkar ulike produksjonsprosessar. Men innimellom skjer det ting, og då må dei gjerne ut i produksjonen for å sjekke opp kva som er utfordringa.  

Ein positiv effekt av å vere lærebedrift og ha lærlingar, er at andre tilsette også har vald å ta fagbrev. Personar med 5 års relevant praksis kan ta fagbrev som praksiskandidat, og fleire har dei seinare åra nytta seg av denne ordninga og blitt fagoperatørar, dei også. Slik sett får Felleskjøpet ein stadig meir kompetent arbeidsstokk.

Bedrifta har for tida også ein lærling i logistikkfaget, som får opplæring på lageravdelinga i bedrifta.

«For oss på Felleskjøpet Agri avdeling Vaksdal, har det å ha tilgang til slike dyktige lærlingar, vore til stor hjelp ved fleire tilfelle på bedrifta», fortel fagansvarleg Lars Jakob Ulveraker. «Me har kunne bruka dei overalt i prosessane våre dersom me har hatt akutt behov for hjelp. Dei er ikkje redde for å utfordra seg sjølve når dei får ansvar, og det burde væra ein god attest å ta med seg vidare».


23.03.2020
 

Lærling i produksjonsteknikkfaget

Hjå Felleskjøpet Agri - avdeling Vaksdal, er tre av dei tilsette lærlingar i produksjonsteknikkfaget. Dei tre er Anders Hesjedal, Stian Olsnes og Stian Nyheim Hammer Verpelstad. Dei får opplæring i å drifte, utvikle og forbetra produksjonsprosessane i framstillinga av kjæledyrfôr og kraftfôr: Les meir..

19.02.2020

Ledige læreplassar 2020

Våre medlemsbedrifter har mange ledige læreplassar i ei rekke ulike fag.
Les meir..
18.02.2020

Fleire fagfolk

I januar arrangerte Opplæringskontoret for Indre Hordaland den årlege utdelinga av fagbrev.

Les meir..
25.02.2019

 Ledige læreplassar

Våre medlemsbedrifter har våren 2019 ei rekkje ledige læreplassar. Felles søknadsfrist for alle stillingane er 31.mars. For meir informasjon om dei ulike læreplassane, Les meir..

05.03.2018
Framleis ledige læreplassar
Nokre av våre medlemsbedrifter har enno ledige læreplassar våren 2018. For stillingane er det søknadsfrist snarast (pr. 11.mai) Les meir..
05.03.2018
Mange nye fagarbeidarar 
Det er gledeleg å registrere at fleire og fleire vel å bli fagarbeidarar.
På den årlege utdelinga av fagbrev i januar, var det heile 35 nye fagarbeidarar som fekk utdelt fagbreva sine av ordføraren i Voss. 
2017 vart dermed eit rekordår. Les meir..
Ledige læreplassar
 

Ledige læreplassar

Våre medlemsbedrifter har mange ledige læreplassar i ulike fag våren 2017. For alle stillingane, er det søknadsfrist 31.mars. sjå oversikt på neste side. Les meir..
03.10.2016
 

Mitt yrke - idrettsanleggsfaget

Enten det er snøføyk eller sol frå skyfri himmel, vil du truleg finne Ole Martin Mjånes i skianlegget i Myrkdalen. Ei mørk vinternatt køyrer han trakkemaskin. Ein varm sommardag driv han med skoging og kvisting til ny løypetrase. Kontrastane er store, og arbeidsoppgåvene varierte. «Eg kunne ikkje hatt det betre», fortel ein glad lærling. Les meir..
17.08.2016

Framleis ledige læreplassar

Pr 15.september 2016 er det framleis 3 ledige læreplassar hjå våre medlemsbedrifter; 1 læreplass i barne- og ungdomsarbeidarfaget, 1 læreplass i logistikkfaget og 1 læreplass i idrettsanleggsfaget. For meir informasjon om stillingane, Les meir..
11.03.2016

Ledige læreplassar

Våre medlemsbedrifter har våren 2016 ledige læreplassar i 9 ulike fag; anleggsmaskinførar, bilfaget, idrettsanleggsfaget, industrimekanikarfaget, tømrarfaget, murarfaget, betongfaget, helsearbeidarfaget og borne- og ungdomsarbeidarfaget. Felles søknadsfrist for alle stillingane er 10.april 2016. Les meir..
08.03.2016

Auka kompetanse i distriktet

På den årlege festmiddagen på Park Hotel i januar 2016, fekk stolte fagarbeidarar utdelt fagbreva sine av ordførar Hans Erik Ringkjøb. Heile 33 personar tok fagbrev hjå våre medlemsbedrifter i 2015. Fagbreva fordelte seg over 9 ulike fag, og kjønnsfordelinga var 13 kvinner og 20 menn. 28 av dei var lærlingar, medan 5 tok fagbrev som praksiskandidatar. Les meir..
02.12.2015

Salsfaget - mitt lærefag

På Dale Trafikksenter står kunden i fokus. Det kan lærling Simen Frotveit skrive under på. Han tykkjer det kjekkaste med salsfaget er nettopp å treffe kundane, snakke med dei og yte god service. «Det er viktig å kunne lese kunden - sjå om dei har tid til å slå av ein prat eller om dei er hastige og skal vidare. Eg prøver å sjå det an, slik at kunden opplever best mogeleg service», fortel han. Les meir..
30.10.2015

Røyrleggjarlærling

Frode Hjortland er lærling i røyrleggjarfaget. Han byrja læretida si i 2013 hjå Kolskår & Utne As i Granvin. Sjølv bur han i Ulvik, men har både Granvin, Ulvik, Eidfjord, Voss, Ullensvang og Hardangervidda som arbeidsområder. «I eit lite firma kjem du bort i alt mogeleg av arbeidsoppgåver. Eg trivast godt, og har ein svært variert jobb», seier han. Les meir..
19.11.2014

Fyrste lærlingen i Hordaland

Jens Martin Svennes er den aller fyrste og einaste lærlingen i byggdriftarfaget i Hordaland fylke. På landsbasis er det berre registrert 2 byggdriftarlærlingar, opplyser Fagopplæringskontoret (pr. 1.nov. 2014). Faget er nytt, og blei godkjend i august i år. Tidlegare har det ikkje vore noko formelt krav til kompetanse i faget. Ein byggdriftar har normalt ansvaret for drift og vedlikehald av bygningar og tilhøyrande uteområder. I oktober gjekk Jens Martin over frå å vere vedlikehaldsarbeidar til å bli lærling hjå Myrkdalen Hotel. «Ingen dagar er like, og det er stor variasjon i arbeidsoppgåvene og arbeidsdagen min», svarar Jens Martin på spørsmål om kva han likar best i denne jobben. Les meir..
22.10.2014

Byggdriftarfaget - nytt fagbrev

Vaksenopplæringa på Voss starta i oktober opp kurs i byggdriftarfaget. 22 spente kursdeltakarar vil ein kveld i veka få undervisning i det nyleg godkjende faget. Kurset vert avslutta med skriftleg eksamen våren 2015. Deltakarane jobbar til dagleg med drift og vedlikehald av bygningar både i privat og kommunal sektor. Bestått eksamen i kombinasjon med 5 års relevant praksis/utdanning gjev deltakarane mogelegheit til å gå opp til fagprøve som praksiskandidatar. Ved bestått fagprøve, vil deltakarane vere blant dei aller fyrste i Noreg som innehar fagbrev i byggdriftarfaget. Vår medlemsbedrift Myrkdalen Hotel har tilsett den fyrste lærlingen i faget i Hordaland, og både han og hans fagansvarlege deltek på kurset. Les meir..
15.04.2014

Helsefag i Spania

Våren 2014 jobba lærling i helsearbeidarfaget, Stine Bukkestein Trohjell, på Fundacion Betanien i Alicante i Spania. Dette takka vere ordninga med Leonardo da Vinci-stipend. Institusjonen har blant anna fokus på å aktivisere beburarane sine. Dette oppdagar du straks du kjem inn i vestibylen, der blikket automatisk vert dradd mot to store og fargerike oppslagstavler som informerer om alle aktivitetane dei neste 14 dagane. Les meir..
14.02.2014

Mitt yrke

"Det beste med denne jobben er når brukarane viser glede og takksemd for at vi er her for dei. Det skal so lite til for å glede dei, og når eg opplever å bety noko for andre, vert eg også glad». Uttalen kjem frå Aina Kvitne, engasjert lærling i helsearbeidarfaget hjå lærebedrifta Voss kommune. Les meir..
29.01.2014

Stolte fagfolk

Voss og nabokommunane har fått 30 nye fagarbeidarar. Alle har vore tilsette i medlemsbedriftene til Opplæringskontoret. Fredag 24.januar fekk dei utdelt fagbrevet sit i glas og råme av ordførar Hans-Erik Ringkjøb, på det årlege arrangementet på Park Hotell. Ordførararen meiner fagarbeidarane har mykje å seie for distriktet. Les meir..
22.02.2013

Lærlingeintervju: anleggsmaskinførarfaget

- Eg kunne ikkje ha tenkt meg noko anna arbeid, uttalar ein særs nøgd lærling, Jostein Skjærven. - Kvar dag får eg gjere det eg likar best; å køyre maskin. Allereie i ung alder visste han at det var maskinførar han ville bli. Les meir..
21.02.2013

Lærlingeintervju: betongfaget

Sondre Een Kvalfoss er lærling i betongfaget på andre året. Den dagen vi er på vitjing, er det minus 10 grader. - Kulden gjer meg stort sett ingenting, smiler lærlingen som saman med kollegaer har sett opp ein forskalingsmur på Voss stasjon.- Det beste med arbeidet er å få jobbe ute heile året med praktiske og varierte arbeidsoppgåver, seier han. Les meir..
30.01.2013

33 nye fagarbeidarar

Det var ein gjeng både glade og stolte fagarbeidarar som 25.januar mottok fagbrevet sitt av ordførar Hans-Erik Ringkjøb, på det årlege arrangementet Opplæringskontoret har på Park Hotel Vossevangen. Totalt tok 33 personar i våre lærebedrifter fagbrev i 2012. Det er ein auke på heile 50% i forhold til 2011. - Ein styrke for regionen, seier ordføraren. Les meir..
17.12.2012

Lærlingeintervju: reiselivsfaget

Arsalan Portazedi (21) er den einaste lærlingen i reiselivsfaget i Hordaland fylke, tilsett hjå vår medlemsbedrift; Destinasjon Voss As. Då han gjekk reiselivslina ved Voss vidaregåande skule i 2011, bestemte han seg for å prøve å ta fagbrev i reiselivsfaget, sjølv om det finnast svært få læreplassar i dette faget. - Det beste med denne jobben er at ein alltid opplever noko nytt og har eit variert arbeid, sier han. Les meir..

11.12.2012

Fleire fagarbeidarar i idrettsanleggsfaget

Det var fem glade gutar som siste veka i oktober bestod fagprøven i idrettsanleggsfaget. Dei har gått to år i lære ved skianlegga i Myrkdalen og på Voss, etter at dei fyrst gjekk to år på idrettsanleggslina ved Voss Jordbruksskule. Idr.anlegg/anleggsgartnarline har dei også ved Hjelnes Vidaregåande i Ulvik. Gutane er no blant dei fyrste i Noreg som har dette fagbrevet - der læretida har vore i eit heisanlegg (okt. 2012). Les meir..
11.12.2012

Heldige lærlingar til Spania

Opplæringskontoret for Indre Hordaland er hausten 2012 tildelt Leonardo da Vinci-stipend på til saman kr 60.000. Tilskotet gjeld for 2 lærlingar i reiselivsfaget. Dei vil få ein praksisperiode på 13 veker kvar hjå ei aktuell reiselivsbedrift i byen Murcia i Spania. Les meir..
11.12.2012

Instruktørkurs på Voss

2. og 3. oktober blei det arrangert kurs for lærling-instruktørar og fagansvarlege på Voss. I alt deltok 19 personar frå lærebedrifter på Voss og nabokommunane Modalen og Vaksdal, dei aller fleste medlemer hjå Opplæringskontoret for Indre Hordaland. Les meir..
11.12.2012

Nye fagfolk

Totalt var det 22 personar tilknytta Opplæringskontoret som tok fagbrev eller kompetansebevis i 2011. Den årlege utdelinga av fagbrev fann stad på Park Hotel Vossevangen 03.februar 2012. Les meir..

OKIHO på facebook  
Aktuelt
Andre nettstader
Nye fagarbeidarar
Opplæringskontoret for Indre Hordaland

 Telefon
 95 81 63 73












 Adresse
 Brynaskogen 25
 5705 VOSS



        Rediger